នៅព្រឹកថ្ងៃអង្គារ ទី០៤ ខែមេសា ឆ្នាំ២០២៣ លោក ជា ខេមា អភិបាល នៃគណៈអភិបាលខណ្ឌដូនពេញ បានបន្តចុះពិនិត្យការលក់ដូរ និងសំណេះសំណាល ព្រមទាំងសាកសួរសុខទុក្ខបងប្អូនអាជីវករ នៅតាមបណ្តាផ្សារទាំង៣ ក្នុងមូលដ្ឋានខណ្ឌដូនពេញ ក្នុងនោះមាន ផ្សារធំថ្មី, ផ្សារកណ្តាល និងផ្សារចាស់ ។
ក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរ ខិតជិតចូលមកដល់ខាងមុខនេះ លោក អភិបាលខណ្ឌ សូមជូនពរដល់បងប្អូនអាជីវករទាំងអស់គ្នា សូមអោយរកស៊ីលក់ដូរអោយមានភ្ញៀវចូលទិញកាន់តែច្រើន និងមានសុខភាពល្អបរិបូរណ៍ កម្លាំងពលំមាំមួន អាយុយ៉ឺនយូរ និងជួបពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។
