មណ្ឌលគិរី៖ នាព្រឹកថ្ងៃទី២៤ ខែមិថុនា ឆ្នាំ២០២៦ ឯកឧត្តម ម៉ែន ង៉ុយ ប្រធានក្រុមប្រឹក្សាខេត្តមណ្ឌលគិរី និងឯកឧត្តម គង់ គឹមនី អភិបាលខេត្តមណ្ឌលគិរី បានអញ្ជើញចុះជួបសំណេះសំណាលជាមួយកម្មករនិយោជិក នៃក្រុមហ៊ុន អ៊ានម៉ារឌី ចំនួន ១០០គ្រួសារ ដើម្បីសួរសុខទុក្ខ និងស្វែងយល់ពីជីវភាពរស់នៅជាក់ស្តែង ពិធីនេះត្រូវបានរៀបចំឡើងយ៉ាងកក់ក្តៅនៅក្នុងបរិវេណក្រុមហ៊ុន អ៊ានម៉ារឌី ដោយមានការអញ្ជើញចូលរួមពីលោកអភិបាលរងខេត្ត លោកនាយករដ្ឋបាលសាលាខេត្ត មេបញ្ជាការកងកម្លាំងប្រដាប់អាវុធទាំងបីប្រភេទ ប្រធានមន្ទីរ-អង្គភាពពាក់ព័ន្ធ លោកអភិបាលស្រុកកោះញែក អាជ្ញាធរមូលដ្ឋាន និងបងប្អូនកម្មករនិយោជិកជាច្រើននាក់។
