គ្រោះថ្នាក់ចរាចរណ៍

កំពង់ស្ពឺ៖ រថយន្តយក្ស (ប្រភេទយីឌុប) កែច្នៃខុសលក្ខណៈបច្ចេកទេសដឹកអុសមានទម្ងន់រាប់សិបតោន បានធ្វើចរាចរឆ្លងតាត់ផ្លូវក្រាលកៅស៊ូមួយខ្សែរពីផ្សារស្លាបលេងទៅផ្សារត្រពាំងផុត ដែលច្បាប់អនុញ្ញាតឱ្យតែរថយន្តផ្ទុកទម្ងន់ត្រឹម ១៥តោនចុះក្រោមអាចឆ្លងកាត់បាន ប៉ុន្តែរថយន្តនេះផ្ទុកលើចំណុះរហូតផ្លូវទ្រទម្ងន់លេងបានក៏ស្រុតបាក់ក្រឡាប់រថយន្តច្រងាងបិទផ្លូវ ត្រង់ចំណុច គល់ស្ពានទំនប់អូរក្បៀរ មិនអាចធ្វើចរាចរបានតាំងពីយប់ រហូតដល់ព្រឹកថ្ងៃសុក្រ ទី៣០ ខែឧសភា ឆ្នាំ២០២៥ នេះ។ ខណៈពេលនេះកម្លាំងសមត្ថកិច្ចនគរបាលប៉ុស្តិ៍ រដ្ឋបាលឃុំ និងរដ្ឋបាលស្រុកបរសេដ្ឋ ខេត្តកំពង់ស្ពឺ បាននាំគ្នាចុះទៅអន្តរាគមន៍ និងបានប្រាប់បងប្អូនប្រជាពលរដ្ឋ ដែលធ្វើដំណើរឆ្លងកាត់ផ្លូវនេះ មានការប្រុងប្រយ័ត្នខ្ពស់ ប្រសិនករណីចាំបាច់សូមរកផ្លូវវាង ព្រោះអាជ្ញាធរកំពុងធ្វើកិច្ចចការងារនេះ ដើម្បីស្ទូចយករថយន្តបង្កការខូចខាតផ្លូវសាធារណរបស់រដ្ឋទៅរក្សាទុក និងមានចំណាត់តាមផ្លូវច្បាប់។ តាមសេចក្តីរាយការណ៍បានឱ្យដឹងថា រថយន្តយីឌុប ០១គ្រឿង ម៉ាក យ៉ានដាយ ពណ៌ទឹកប៊ិច ពាក់ស្លាកលេខ កំពង់ចាម 3A-2715 ដឹកអុសពេញប្រៀបរថយន្ត មានទម្ងន់រាប់សិបតោន បានបង្កការបាក់ស្រុតដីបាក់ផ្លូវ នៅស្ពាន «ទំនប់អូរក្បៀរ» ស្ថិតក្នុងឃុំស្វាយរំពារ ស្រុកបសេដ្ឋ ខេត្តកំពង់ស្ពឺ។ ការបាក់ស្រុតនេះ ធ្វើឱ្យរថយន្តផ្អៀងកៀបជាប់នឹងក្បាលស្ពាន។ តាមប្រភពបានបន្តទៀតថា នៅព្រឹកថ្ងៃសុក្រ ទី៣០ ខែឧសភានេះ រដ្ឋបាលស្រុកបសេដ្ឋ បានជូនដំណឹងដល់ សាធារណជន ដែលធ្វើដំណើរតាមដងផ្លូវពីផ្សារស្លាបលែង […]

ភ្នំពេញ ៖ បាក់​បង្គោល​ភ្លើង ០៨ ដើម រួម​ទាំង​សង្កត់​លើ​រថយន្ត ០២ គ្រឿង ផ្សេងទៀត ដែល​គេ​ចត​ចោល បន្ទាប់ពីមានរថយន្ត​ធុន​ធំ ១គ្រឿង បើក​លឿន​ពេក រេ​ចង្កូត​ទៅ​ទាក់​ខ្សែភ្លើង​។ ហេតុការណ៍​នេះ​កើតឡើង​កាលពី​ម៉ោងជាង២រំលង​អធ្រាត្រ ឈាន​ចូល​ថ្ងៃ​ទី ៣០ ខែ​មេសា ឆ្នាំ ២០២៥ តាម​បណ្ដោយ​ផ្លូវ​ចំហៀង​ស្ថានទូត​រុស្សី សង្កាត់​ទន្លេ​បាសាក់ ខណ្ឌ​ចំការមន៕

ករណីគ្រោះថ្នាក់ចរាចរណ៍ដ៏រន្ធត់មួយ ដែលបហ្កឡេីងរវាងរថយន្តយីឌុបដឹកដី និងរថយន្តកាមរីបាឡែន បណ្តាលឲ្យស្លាប់មនុស្ស៥នាក់ ក្នុងនោះមន្រ្តីអាវុធហត្ថចំនួន៤នាក់។ ហេតុការណ៍នេះ បានកើតឡើងនៅវេលាម៉ោង១៤:៣០រសៀលថ្ងៃទី១៨ ខែកុម្ភៈ ឆ្នាំ២០២៥ លើកំណាត់ផ្លូវកណ្តាលក្រុមហ៊ុន «ថាកូអាគ្រី» ស្ថិតក្នុងភូមិសាស្ត្រស្រុកលំផាត់។ ស្នងការនគរបាលខេត្តរតនគិរី លោកឧត្តមសេនីយ៍ទោ អ៊ុង សុភាព បានប្រាប់បណ្តាញព័ត៌មាន ថា អ្នកស្លាប់ទាំង៥នាក់ មានមន្ត្រីអាវុធហត្ថចំនួន៤នាក់ និងម្នាក់ជាអ្នកបកប្រែភាសាវៀតណាមប្រចាំក្រុមហ៊ុន។ អ្នកបើករថយន្តដឹកដី បានរត់គេចខ្លួនបាត់ ក្រោយបង្កគ្រោះថ្នាក់ចរាចរណ៍មួយនេះ៕

យ៉ាងហោចណាស់បុរស០២នាក់បានស្លា.ប់.ភ្លាមៗគៀបជាប់និងក្បាលរថយន្តនិងម្នាក់ទៀតរងរបួសស្រាល ក្រោយជួបឧបទ្ទវហេតុគ្រោះថ្នាក់់ចរាចរណ៍នៅវេលាម៉ោង ១១និង២០ នាទី ថ្ងៃទី១៦ ខែកុម្ភៈ ឆ្នាំ២០២៥ នៅតាមបណ្តោយផ្លូវហាយវ៉េ ស្ថិតក្នុងភូមិដាក់សសរ សង្កាត់អូរម៉ាល់ ក្រុងបាត់ដំបង។ ប្រភពពីពលរដ្ឋបានអោយដឹងថា ករណី គ្រោះថ្នាក់ចរាចរណ៍បានកើតឡើងដោយរថយន្តច្នៃពណ៌ខៀវ០១គ្រឿង បានដឹកដើមកាស្យាពេញ បើកបរដោយបុរសម្នាក់ និងអ្នករួមដំណើរ០២នាក់ ទិសដៅពីជើងទៅត្បូង លុះមកដល់ចំណុចផ្លូវកោង ក៏បានយោករ៉េចង្កូតទៅបុករនាំងខាន់ចែកទ្រូងផ្លូវបណ្តាលអោយដាច់ខ្សែធ្នាក់ឈើរាយប៉ាយ និងជម្រុលទៅបុកអ្នកបើកបរនិងអ្នករួមដំណើរម្នាក់ផ្អិបទៅហ្នឹងចង្កូតបណ្តាលអោយបែកមុខនិងទ្រូងស្លា.ប់០២នាក់ភ្លាមៗ និងម្នាក់ទៀតលោតរួចខ្លួនរងរបួសស្រាល។ ក្រោយពេលកើតហេតុសមត្ថកិច្ចជំនាញបានចុះទៅធ្វើកំណត់ហេតុប្រគល់សពអោយខាងសាច់ញាតិដើម្បីយកទៅធ្វើបុណ្យតាមប្រពៃណី ចំណែករថយន្តខាងលើត្រូវបានយកទៅរក្សាទុកនៅការិយាល័យនគរបាលចរាចរណ៍ផ្លូវគោកខេត្តដើម្បីចាត់ការតាមនីតិវីធី។

(បាត់ដំបង) យ៉ាងហោចណាស់ជនបរទេសប្រុសស្រីចំនួន០៩នាក់និងខ្មែរ០២នាក់បានរងរបួសធ្ងន់ស្រាលនៅក្នុងហេតុការណ៍គ្រោះថ្នាក់ចរាចរណ៍រវាងរថយន្តដឹកត្រីធុនធ្ងន់បុកប៉ះជាមួយរថយន្តទេសចរណ៍នៅវេលាម៉ោង ១៤និង១០នាទី ថ្ងៃទី១៦ .ខែមករា ឆ្នាំ២០២៥ នៅតាមបណ្តោយផ្លូវហាយវេ(បាហៃ)ស្ថិតក្នុងក្រុមទី១៧ ភូមិបោះពោធិ៍ ឃុំអូរដំបង១ ស្រុកសង្កែ ខេត្តបាត់ដំបង ។ ពលរដ្ឋនៅកន្លែងកើតហេតុបានប្រាប់ថា ករណីគ្រោះថ្នាក់ចរាចរណ៍ខាងលើនេះដែរបានកើតឡើងរវាងរថយន្តម៉ាក HYUNDAI COUNTY ដឹកអ្នកដំណើរធុនធំ ពណ៌សូកូឡា-ពងមាន់ ពាក់ផ្លាកលេខ ភ្នំពេញ3G-7569 បើកបរដោយបុរសម្នាក់ ដឹកភ្ញៀវជនជាតិអ៊ីតាលីប្រុសស្រី០៩នាក់ និងខ្មែរ០២នាក់ ទិសដៅពីជើងទៅត្បូង លុះមកដល់ចំណុចកើតហេតុបានឆ្លងផ្លូវភ្លាមនោះក៏មានរថយន្តម៉ាកHYUNDAI ដឹកត្រីធុនធំ ពណ៌ស ពាក់ផ្លាកលេខ ភ្នំពេញ3F-7956 បើកបរដោយបុរសម្នាក់ទិសដៅពីលិចទៅកើតបានជ្រុលចង្កូតទៅបុកពេញទំហឹងបណ្តាលអោយប៉ើងទៅបុកដើមក្រខុបរបួសធ្ងន់០៤នាក់និងស្រាល០២នាក់ ក្រៅពីនោះរងរបួសបន្តិចបន្តួចផងដែរ។ ក្រោយពេលកើតហេតុជនរងគ្រោះត្រូវបានយកទៅសង្គ្រោះនៅមន្ទីរពេទ្យភ្លាមៗ ដោយឡែករថយន្តទាំង០២គ្រឿងត្រូវបានកម្លាំងនគរបាលចរាចរណ៍ផ្លូវគោកខេត្តវាស់វែងយកទៅរក្សាទុកដើម្បីរងចាំដោះស្រាយតាមផ្លូវច្បាប់៕

ស្រុកព្រៃនប់: ពាក់ព័ន្ធករណីគ្រោះថ្នាក់ចរាចរណ៍ខាងលើនេះ បើយោងតាមរបាយការណ៍ពីសមត្ថកិច្ចបានឲ្យដឹងថា (ម៉ូតូវ៉ាជែងរួចដួលចូលក្រោមរថយន្ដ) នៅឃុំអណ្ដូងថ្ម ស្រុកព្រៃនប់ -នៅថ្ងៃទី១៥.០១.២០២៥ វេលាម៉ោង ១៦:៤១នាទី នៅលើផ្លូវជាតិលេខ៤ ចន្លោះបង្គោលគីឡូម៉ែត្រលេខ ១៨៤-១៨៥ ស្ថិតក្នុងភូមិបន្ទាយប្រិយ៍ ឃុំអណ្ដូងថ្ម ស្រុកព្រៃនប់ ខេត្តព្រះសី​ហនុ ។ មានករណីគ្រោះថ្នាក់ចរាចរណ៍ មួយកើតឡើង បង្កដោយម៉ូតូ ០១គ្រឿងម៉ាក HONDA SCOOPY I ពណ៌ស ពាក់ផ្លាកលេខ ព្រះសីហនុ 1I-0080 ដែលមានទិសដៅពីខេត្តព្រះសីហនុ ឆ្ពោះទៅ រាជធានីភ្នំពេញ បើកបរដោយឈ្មោះ ចិន ឆលីហ៊ាង ភេទប្រុស អាយុ៣១ឆ្នាំ មុខរបរយោធា មានទីលំនៅភូមិបឹងតាព្រហ្ម ឃុំបឹងតាព្រហ្ម ស្រុកព្រៃនប់ ខេត្តព្រះសីហនុ (ពាក់មួកសុវត្ថិភាព) ។ លុះមកដល់ចំណុចខាងលើ បានឡើងវ៉ាជែង(វ៉ាស្ដាំ) រថយន្ដ ០១គ្រឿងម៉ាក HINO ពណ៌ស ពាក់ផ្លាកលេខ ព្រះសីហនុ 3A-8857 និងសឺមីរ៉ឺម៉ក់ ពាក់ផ្លាកលេខ ព្រះសីហនុ […]

(បាត់ដំបង)យ៉ាងហោចណាស់បុរសម្នាក់បានស្លាប់ភ្លាមៗ និងមនុស្សប្រុសស្រី០២នាក់ផ្សេងទៀតរងរបួសធ្ងន់ ក្រោយជួបឧបទ្ទវហេតុគ្រោះថ្នាក់ចរាចរណ៍រវាងម៉ូតូ០៣គ្រឿងបុកគ្នានៅវេលាម៉ោង ១០និង០០នាទី ថ្ងៃទី០៩ ខែមករា ឆ្នាំ២០២៥ នៅតាមបណ្តោយផ្លូវជាតិលេខ៥ នៅចំណុចក្រុមទី១៥ ស្ថិតក្នុងភូមិអន្លង់វិល ឃុំអន្លង់វិល ស្រុកសង្កែ ខេត្តបាត់ដំបង ។ ប្រភពនៅកន្លែងកើតហេតុបានអោយដឹងថា ករណីគ្រោះថ្នាក់ចរាចរណ៍ខាងលើបានកើតឡើងរវាងម៉ូតូម៉ាកហុងដាឌ្រីម ពណ៌ខ្មៅ០១គ្រឿង ពាក់ផ្លាកលេខ បាត់ដំបង1D-4665 បើកបរដោយប្តីប្រពន្ធពីរនាក់ ក្នុងទិសដៅពីលិចទៅកើត លុះមកដល់ចំណុចកើតហេតុខាងលើ បានបត់ឆ្វេង ភ្លាមនោះក៏មានម៉ូតូម៉ាកហុងដាឌ្រីមពណ៌ខ្មៅ០១គ្រឿង ពាក់ផ្លាកលេខ បាត់ដំបង1AJ-2924 បើកបរដោយបុរសម្នាក់ទិសដៅស្របគ្នាបានជ្រុលចង្កូតទៅបុកពេញទំហឹងបណ្តាលអោយហោះអូសទៅប៉ះម៉ូតូម៉ាកហុងដាឌ្រីម ពណ៌ខ្មៅ០១គ្រឿងផ្សេងទៀត ដែលមានផ្លាកលេខ បាត់ដំបង 1X-2600 បើកបរដោយបុរសម្នាក់ ក្នុងទិសដៅពីកើតទៅលិច បណ្តាលអោយដួលស្លាប់និងរបួស០៣នាក់តែម្តង។ ក្រោយពេលកើតហេតុ ជនរងគ្រោះត្រូវបានសមត្ថកិច្ចដឹកយកទៅសង្គ្រោះព្យាបាលនៅមន្ទីរភ្លាមៗ ចំណែកសាកសពត្រូវបានធ្វើកំណត់ហេតុប្រគល់អោយសាច់ញាតិយកទៅធ្វើបុណ្យតាមប្រពៃណី ដោយឡែកមធ្យោបាយទាំងបីត្រូវបាននគរបាលជំនាញវាស់វែងអនុវត្តតាមផ្លូវច្បាប់៕

ភ្នំពេញ៖ លោក RUTHKO តារារ៉េបល្បីឈ្មោះមួយរូប បានជួបគ្រោះថ្នាក់ចរាចរណ៍ស្លាប់ ដោយត្រូវរថយន្ត LEXUS RX330 បើកបញ្ច្រាសទិសទៅបុកពេញទំហឹង។ ហេតុការណ៍នេះ បានកើតឡើងកាលពីវេលាម៉ោង២រំលងអធ្រាត្រ ឈានចូលថ្ងៃទី៦ ខែមករា ឆ្នាំ២០២៥ទីតាំងកើតហេតុ ស្ថិតនៅលើផ្លូវ៦០ម៉ែត្រ ទល់មុខច្រកចូលបុរីប៉េងហួត៦០ម៉ែត្រ ស្ថិតនៅក្នុងសង្កាត់ចាក់អង្រែក្រោម ខណ្ឌមានជ័យ៕